مجالس الرويضة لكل العرب - عرض مشاركة واحدة - ][ ... لاضاق دربن فيك وشلك بممشآهـ ... ] جنب طريقه والفيافي عريضه[

#1 (**permalink**) 29-09-2009, 08:49 PM

لاضاق دربن فيك وش لك بممشاه
................ ... جنب طريقه والفيافي عريضه

دربن يوردك المذلــــــــــ ـــــــة بلاياه
................. .. شمس الخيار ولا ظلال الفريضه

الحر لامن ابرق الريش قزاه
................. .. عاف الديار وعاف عشه وبيضه

والناس كلن يجذبه ساس مجناه
................. .. مثل الشجر لامن تجدد بريضه

رجل اليا زلت بك الرجل تلقاه
............... .... حبل النجاة اللي بتوته غليظه

ورجل اللي قلة محايلك تنصاه
............... .... عزك يعزه وأنكسارك يغيضه

ورجل بساعاة الرخاء جاه ووجاه
............... .... لكن بوقت الضيق ماتستعيضه

مثل الغدير اللي حفظ ماه بشتاه
................ ... وأهلك ورودهـ في لواهيب قيضه

وللي زعل من خاطره لاترضاه
............... .... لاصار ماسويت شين يغيضه

والعفن لاتزعل على شان فرقاه
................ ... ترا الردي فرقاه ماهي غميضه

ومادام رزق العبد بيدين مولاه
................ ... وش حاجته لأهل القلوب المريضه

::

*ممـــآ رآق لــــي *
كــــــــــــــ ـنق الفياض