28-09-2009, 05:28 AM
|
| |
حبيبي ترى بعدك على القلب له تاثير** وانا خابر لاهــو بودك ولا ودي
 حبيبي ترى بعدك على القلب له تاثير
وانا خــابــر لاهــــو بــودك ولا ودي
وانا حالف لاجيك واللي يصير يصير
تفاني عزاى وبيح الوقت لي سدي
جفيت الصبر والا الصبر عاقبته الخير
وعفت التحدي والا انا كان متحدي
حبيبي ليا شفت المداهيل وقت اعصير
تدافق هميل دموع عيني على خدي
تهامل دموعي من عيوني ماهي بتحير
واقوي عزومي واشعب خطاي واعدي
واسير على بعض الجماعه بلا تبرير
واسولف وانا حالي من البعد متردي
انا اكبر اسير ينتظر لحظة التحرير
وساءت ظروفي والمقادير جت ضدي
وانا اكبر مقصر في حياته بلا تقصير
عقب قصرت عن لحظة مصافحك يدي
ابي فزعتك يا زين عجله بلا تاخير
تراني من اصناف العنا واصل حدي
انا يوم اطول عنك قلبي يرد صغير
ويكبر بشوفك يا اتلع الجيد ويهدي |