صباح الجرح ياأجمل جروحي وينها دنياك ؟؟
بكى وجه المكان إللي تعود طلت جبينك ،،
زوايا غرفتي ، عطرك ، وقلب يرتجي دنياك ..
ودفتريحتضن أحلى الآماني وأجمل سنينك ،،
تغيب ومايغيب بداخلي حبك ولا ذكراك ..
ويكسر هيبتي نفس السؤال وأحتضر ، وينك ؟؟
أسافر عنك وأتغرب ، أعاند حبك وأنساك ..
وتاخذني الدروب بغربتي لأقرب عناوينك ،،
وأنام من الألم وأصحى على صوتك ولا ألقاك .
.
وألاقي هالزمان إللي وقف مابيني وبينك ،،
وأظل بحيرتي تايه هنا نصفي ونصفي هناك ..
وأكبر ذنب سويته زرعت الروح في طينك ،
،
شريتك يوم هالعالم رخصك وللألم خلاك ..
رضيت العيش في صحرى لأجل أروى بساتينك ،،
حبيبي كان هو قصدك تحطم عاشق يهواك ..
وتزرع في ضلوعي اللي يحبك نصل سكينك ،،
وهبتك روح ياعمري وأكيد إن الجسد يفداك ..
حاسب قبل لا تطعن أخاف تجرح يدينك ،،
حلات الموت ياحبي إذا يوصل على يمناك ..
ترى أجمل شرف إني أموت بطعنة يمينك ،،
ولوطال العمر بأكتب "أحبك"
في سما دنياك .
ويبقى هالسؤال إللي كسرني للأسف .. وينك