دامي شمالي وعزوتـي دهمشيـة

وربعي هلا الريشا زحول الرجاجيل

وقفاتنـا بالعـز والنـار حـيـة

نفزع وفينـا بالمراجـل حلاحيـل

اهـل الكـرم والنخـوة الوايليـة

واهل الدلال المهدفـات المهاييـل

فرسان من ماض الزمـان ودهيـة

مع الخوي عز الرجـال المشاكيـل

قاله نسـل شمّـر زبـون الونيـة

ربعـه طنايـا كاسبيـن التنافيـل

بخوة جلاعيد (ن) تفـك المطيـة

عز الخوي للي وطتـه الغرابيـل

ودك بحـزات الليـال العصـيـة

تعنز على اللي ذلل الصعب تذليـل

اهـل كفـوفٍ للجـزالـة نـديـة

كبار العطايا مثل غيـث الهماليـل

وجدي سعود اللي شمخ بالعطيـة

راعي سميراء الدهمشي وافي الكيل

ربعي هلا الفزعات واهل الحميـة

قولت هلا للضيف قبـل التعاليـل

فـي ظـل حكـامٍ تقـود السريـة

آل السعود اهل السيوف المصاقيل

قبيلة (ن) بالطيـب نعـم السميـة

ويلان في وقت المجاعـة مداهيـل

وصلوا على المختار خير البريـة

شفيعنا في وقت جني المحاصيـل

للاستماع بالصوت





للحفظ

http://www.sadanajd.co m/up/uploads/f...e23c02a185. wav







شعر اخوكم



ابراهيم بن عبدالله بن عبدالعزيز ابن جلعود



سميــراء ــ حـــائل