لاجيت ابنسى .. واتراجع .. واسامحك
صاحت جروحي .. واشتكت لي طعونك
كلك خيانه قول .. وشلون ابمنحك
وش موقفك من شخص ( داااايم ) يخونك
أكبر خطا .. لو جيت يمك .. اصالحك
اول تحووّل .. لا تغرّك .. لحونك
اللي تقوله صح .. لو كنت جارحك
انت غارق للاسف .. في ظنونك
وصفك نسيته بس .. باقي .. ملامحك
بنهيك .. وانهي بالنهايه .. جنونك
ما تستحق ( امد ) كفي واصافحك
مثلك غلط عمري .. وابحيا .. بدونك
لعبت دورك .. شاهدات ٍ مسارحك
خدعتني .. واظهرت .. خافي فنونك
كنت اعتقد .. قلبي هو ابرز مطامحك
اللي يبيع .. الناس .. لجله .. يصونك
تعبت اسوق الشوق يمك .. واصارحك
اخلصت لك بالحب .. شوفت عيونك!!!
لكن خسارة صرت .. غاية مصالحك
ياليتني ما جيت .. لحظه .. بكونك
بالامس .. كنت بنشوة الحب امازحك
اخيل برقك .. واتحرى .. امزونك
واليوم من صفحة حياتي .. ابمسحك
هديت صرحك .. ثم طاحت .. اركونك
ولا عيوني لو تصورت .. تلمحك
اعلنت موتك .. وانسجن لي .. كفونك
وان جيت تطلب .. ترتجيني .. اسامحك
بهديك طعنة .. من بقايا .. طعونك ..!!