مجالس الرويضة لكل العرب - عرض مشاركة واحدة

#1 (**permalink**) 21-09-2009, 01:12 AM

جعلك بخير وعوافي حبيبـي كـل عـام
ياعسى عيدك سعيد وعسى عمرك مديـد
غيرك نعايـد عليـه برسالـه والسـلام
وانت نصخر لك قوافي ونبدع لك قصيـد
ماذخرت الشعر دونك ولا عـذب الكـلام
ولا كتبت بغير شخصك قريب ولا بعيـد
يابلابل غـردي وانشـدي لـه ياحمـام
نغمة الافراح لاجيتي من فـوق الجريـد
لو تغيب بيوم عيـدي تغشـاه العسـام
ولو حضرت بيوم حزني يصير اليوم عيد
الليالي دون نـورك كوابيـس وظـلام
ليلها حالك وموحش ونسناسـه جليـد
ساعة (ن) جابتك تحمد وفيها الحظ قـام
بارك الله ساعة(ن) جابت الحظ السعيـد
حبك اللي نازل (ن) بالحشى نزل الكرام
والمشاعر من حواليـه خـدّام وعبيـد
من زرعتك داخلي وانت تحظي بإهتمـام
من رجى حصدك ويسقيك من دم الوريد
اعشقك حتي الثماله وفيك القلـب هـام
وادري اني وسط قلبك انا الحب الوحيـد
دوك شعري والغلا واصدق شعور الغرام
صغتها لك حول جيدك مثل عقد(ن) فريد
هذي عيديه عساها تجـي قـد المقـام
توصلك والناس عقبـك ترددهـا نشيد