مجالس الرويضة لكل العرب - عرض مشاركة واحدة

#1 (**permalink**) 14-09-2009, 09:33 AM

بسم الله الرحمن الرحيم
السلام عليكم ورحمة الله وبركاته
قصيدة للشاعر حمد السعيد

ماهو بكيفك تواصلني وتقطعني .....إما غلا بين أو فضها سيره

يا شين لا جيت تقطع لا تواد...ليتك تحس الوداع شلون تأثيره

يا مآخذ الحب قل فيني وسمعني...حب على كبر صعب أبدل بغيره

أبحتفظ فيك وأدري منت نافعني....يمكن مع الوقت أقول محبتك خيره

والله تدري وش اللي معك دافعني ..إني مع إنت أمارس آخر الغيره

وأحب فيك البرود اللي يقاطعني...لو ما تكلمت صمتك صعب تفسيره

ياللي عليك البشر شفها تقاطعني....منين ما أوجه الهقوات لك سيره

يا شينها من الخوي قولته قاطعني ....ما غيره شره ولاإنت بشايف خيره

ويا شينها منك لا جيتك توزعني...في عذرك اللي على هالظرف تأجيره

شف كبر صبر البشر ما عاد ياسعني........و أكبر هموم العباد أشوفها صغيره

وش جاك مني خطا يومك تبيعني.....في سوق ذقها عليك أسوقها جيره

أنا أذكر إنك إلا من قلت دلعني....القلب هانت علشانك مشاويره

يا مشغل القلب بين تحبني ويعني......شفني عليك أحترق يا سيدي حيره

مرات أقول أتركك لا شك يمنعني ...شي يقول إعذره وإقبل معاذيره

قلت أحتفظ فيك وأدري منت نافعني......يمك ن مع الوقت أقول محبتك خيره