بسم الله الرحمن الرحيم
السلام عليكم ورحمة الله وبركاته
ماكني اعرفه ولا كني ابغيه
وانا عليه من امه احب واجرى
ياكثرها تسليمة ن يوم الاقيه
له عين تكتبله ولـه عين تقـرى
وانحل طاريه تجاهلت طاريه
ماكني ادرى عنه وانا بـه ادرى
بسكات يغليني وانا حيل اغليه
لا تـليفـون ولا مـواعيد غدرى
يصون ودي عن عذوله واحاميه
وانا عليه احجى من القلب واذرى
حب عفيف والصراحه سواقيه
في وقتنـا مـاظـنـتي زيـد يـطـرى
لاسولف بحبه ولانيب كانيه
وغـيـري لـو يـوالفـه كـان هذرى
احشم قريبه حشمة له واداريه
واخشى يجي في خاطره شي ودرى
لايحسبني يوم قفيت ناسيه
لـعـيـونـه اني مـاتـحالـيـت عـذرى
ليت الزمن يرجع وانا علمه ليه
ولا الـحـقـوق من المقابيل تـشـرى
كل العذاري في الوفا ماتساويه
كنه اليمين وبـاقي الـغـيـد يـسـرى
قولوله اني مارتضي بالبدل فيه
لامال قارون ولا عرش كـسـرى
واكبر دليل اني إلا غاب احاتيه
كم ليلة ماتت على كف مسـرى
وان قالو انه شرق وازريت لاجيه
وجهة وجهي كا مانمت حـدرى