13-09-2009, 01:43 AM
|
| |
رد: &&شاركنا .... سلبيات وإيجابيات الدورة الرمضانية -1430هـ &&
يا جماعة خير العشر مباركه وودي اطرح سؤال لو كنت العود الازرق محل ابو عبيد وريس للدوره ويش بتسوي
من جديد ؟ هذا اللي نبيه يا بعد قلبي الجنادريه لها 25 سنه والناس تقول مامن جديد وهو مهرجان تصرف عليه الدوله ملايين الريالات وتشتغل عليه سنه كامله فرضى الناس غاية لاتدرك الجنادريه لعرض التراث وشعبنا مايقدر التراث وهنا المشكله -
الدورات الرمضانيه هي لقضاء وقت ممتع وهذا المقدور عليه واتحدى انه يجي واحد ويجيب افكار جديده تراها كوره فرق وتلعب مثل مايصير بالدوري ويش الجديد فيه ؟
هناك امور لا يمكن ان تتغير فقط في الحفل الختامي يمكن ان تغلف بشيء من التنظيم وحتى المهرجانات الشعبية على مستوى دول العالم لا يحبذون التنظيم الرسمي بقدر ما يحبذون البساطه وهكذا دورة الرويضة جمالها في بساطتها رغم اختلافنا على بعض النقاط مع المنظمين وتم ذكرها هنا
-- العود الازرق : هل لديك افكار تطويريه هذا اللي نبيه وليس من 15 سنه ماتطورت دورات الرويضة هذا كلام غير منطقي ودورات الرويضة نجحت وان تفاوتت من عام لاخر وهكذا حال الدنيا -------
نتمنى من الجميع ابراز ما يطمحون اليه بطرح افكارهم وليس عموميات مجالس لاتقدم ولا تؤخر
وبرايي نمسكها شركة زين مثل دوري المحترفين لاننا نختلف عند امور لاننظر لها ببعد فعندما سميت دورة جريدة الرياض بالرويضة صارت حكاوي والان هاهو الدوري السعودي باسم شركة اتصالات شفتوا وشلون التناقض
عندنا -------!!!! ويش فيها لو صارت السنه الجايه باسم العود الازرق وتكفل بدعمها ماليا اكيد بيرحبون المعارضين لان دوري زين كشف انه ماعندهم سالفه فقط حكي مجالس وكيسة فصفص --
اللي فيه شدة يتقدم لرئيس النادي ويقول انا بمسك الدورة السنه الجايه واول من بيبارك له ابو عبيد والجميع فقط نضمن ان يكون على قدر المسئوليه والا الكلام تراه سهل وعلى ارض الواقع تبقى الافعال وهاهي افعال ابو عبيد ولجنان التنظيم من 25سنه شاهدة عيان واجيال تتوراث التنظيم وشبابكم بخير ومحتاجكم فكونوا على قدر المسئولية وركزوا على المستقبل ولاتنسون ان شباب الرويضة اقاموا من حسابهم الخاص ملعبا متكاملا وبدعم الرجال الاوفياء ومنهم سيف بن وهق بمنصات ومدرجات يعني جهود شباب لايتجاوزون العشرين وحطوا لكم مثل هالملعب وطاردوا فيه حتى صار تحفة على مستوى المنطقة ومع ذلك ننقدهم ونشذبهم ونقول ماصار شيء !!!!
|