12-09-2009, 02:46 AM
|
| |
رد: يــــــــــــــ ــــــــــــــو م في حيـــــــــــــ ـــــــــــــاه عضـــــــــــــ
اما انا يومي مدري وشلونه
أبتدأ من بعد صلاة الفجر دق على الراسي قال متسحر سحوور دسم ويبي يهظم قال نمشي بعد الصلاة بالبراد قلت تم
والله واجيه ونوقف السيارة ونرووح نمشي على طريق العليا (((( بالرويضة )) مو عليا الرياض
وشوي وحنا نمش والى هاك الحريقة يالله صباح خير بمزرعة بعيدة عنا شوي لاكن النار كبيرة نشوفها من بعد
وحنا اللي نرجع للسيارة نركظ شوي والراسي يوقف قال ماقدر اركظ ((( دب )) رح جب السيارة وتعال مرني وانا اللي اطقها عدية لين وصلت السيارة واجية ويركب ونرووح لموقع الحريق قلنا نشوف لايكون ببيت والناس فجرية ماعندها احد يوم قربنا والى حريقة مافيها كلام والراسي يدق على الدفاع المدني يبلغهم ويرد واحد عليه قاله ياولد الحقوا حريقة قال العسكري افا ياذا العلم وينها فية ماعندي احد اخويانا طالعين لحادث يالله صباح خير قاله وش الحريق قال بمزرعة قاله العسكري جنبها بيوت قاله نعم قال العسكري عطني اسمك ورقم جوالك وهو يطقة برقمة قاله العسكري انت عندها تأكد انها بعيدة من البيوت ولا اذا قريبة ونها خطر علمني ابلغ دفاع المدني القويعية ولا عروى يجيك قلت له قله يصبر شوي لين نشوفها من قريب قاله الراسي دقيقة واكلمك وانا انزل اعدي ويوم جيتها والقى عندها بنقالي شاب بخشب وعسبان نخل وتوهق كبرت النار واجي اناظرها من قريب الى مانها خطر على احد ونرجع ويدق الراسي على الدفاع المدني ويقوله ابشرك مامنها خطر ومايحتاج تجون دقايق وبتطفي
المهم بعدها وقفنا السيارها وقعدنا نمشي بهالبراد اللي يجيب العافية لين طلعت الشمس ورجعنا دخلت المنتدى ولين الناس هدوووووووووء واطلع واروح اسحبها نوومة ولا اقوم الا الظر واصلي وارووح اقنص وطرد الطيور ولا اصيد الا خمس واوبعدها رجع العصر واصلي وانام لين الفطور واقوم وافطر وبالبيت لين اذن العشاء واروح اصلي وبعدها ارووح للملعب لين خلصت المبارة ورجعت البيت ودخلت هنااااااااااااا ااااااااا
وتوته توته خلصت الحتووته |