09-09-2009, 07:19 PM
|
| |
لـو كـل غلطـه تجينـا مانمشيهـا
لـو كـل غلطـه تجينـا مانمشيهـا يشيب وجه الزمـان معقّـد حجاجـه نداري النـاس ونحـاول نراضيهـا وغير المشاريـه ماخذنـا ولاحاجـه لكنّ. هالسالفه وش جـاب طاريهـا غير أنت ياشمعة الخفـاق وسراجـه ياتحفـةٍ ماوجـد تحفـه توازيـهـا ياملـح شعـري ويارمـزه وياتاجـه تعال شوف الحنايا وش يجـي فيهـا من لحظـة فراقنـا لاوقـت نتواجـه تحصل به اشياء مدري ويش اسميها خلت رجول الهجوس الغبـر دواجـه اي والله اهواك لكـن ويـش تاليهـا مادام كـل الـدروب اليـك منعاجـه من يدك كـل الطعـون الله يحييهـا الا طعون الفـراق المـرّ وازعاجـه سنين عمري قطفـت احلـى لياليهـا واخذت قلبي لأنـي كنـت محتاجـه اتسهّـر النـوم والضحكـه تبكيهـا والناس قالوا يعد الشخـص ماواجـه سويت لك كل حاجـه كنـت تبغيهـا وانت ايش سويت؟!ماسويت لي حاجه |