أنا حبر الـورق وأنتي قصيـده كلهـا أحزان
أسافرفـي ثناياهـا أعانق موجـة أحزاني
شراعي حب والقارب مشاعـر وأنتي العنـوان
وبحر الحب والمرسـى وأنتي نصفـي الثانـي
أهيم بحضنك الدافـي اخفـف لوعـةالحرمـان
وأصور للسمـاء حزنـي وعرفهـا بحرمانـي
وأدور في حروف الشوق شبيه التايـه الحيـران
وأغرد في سماء حبـك وأترجم باقـي الحانـي
أشتت بالغنـاءهمـي اسلـي قلبـي ا لولهـان
أحاول كثـر مـا قـدر عسـى والهـم ينسانـي
عجزت أوصل أو أتناسى أو اطوي صفحة النسيان
وأصادر باقي الذكرى وصرخـة قلبـي الحانـي
ولهفة روح مجروحة ودمعه في عيـون انسـان
أحاول أرسمـك صـوره وقلـبٍ كـان يهوانـي
تذكرتـه بـدون اشعور شفتـه داخـل الفنجـان
مبلـل والشعـرمنثـور يسبـح وسـط فنجانـي
وفي كفه ورود وشوك ملفوفـه بـدون أغصان
ونظرات هألـم وجـروح أثـارت كـل أشجانـي
تبي تصرخ وتتكلم0تبي تـروي ظمى عطشـان
ولكن صمتها المجهول سقاهـا صمـت واسقانـي
تذكرتـك وشوقـي زاد واستهوتنـي الألـحان
واظن انك نسيتينـي ولـك غيـري غـلا ثانـي
انا دمعة عشق سالت على صدر ا لورق ا لـوان
أنا المظلوم في دنياي0وانـا فـي حبـك الجانـي
أنا ذكرى نسيتيهـاوفـي دنيـاك ماضـي كـان
انا جرح الزمن وانتي0زمـن بالجـرح اعيانـي
اسولف قدما سولف احس انـي انـا الغلطـان
أحس انـي بقايـا هـم وماضـي حبـي ابكانـي
أنا وانتي سراب وليل حكمنا البعـد والهجـران
تقاسمنا الحـزن والهـم0 والموعـد بـدا فانـي
وبسمة طفل مجروحه توارت يا صـدى الوجـدان
بين الحزن والدمعـه وفـي جرحـي وشريانـي
اباتأسـف تذكرتـك ودمعـي فـي عيونـي بـان
غصب عني تذكرتـك وشـوق الشـوق نادانـي
أنا وانتي قصيدة حـب منظومـه بـدون اتقـان
أجل هـذا انـا وانتـي يـا أول وآخـر ا لحانـي
منقول