04-09-2009, 11:37 PM
|
| |
يسعد صباح اللي على البال ياسعود
يسعد صباح اللي على البال ياسعود
وياسعود لاجاء الليل يسعد مساهـا
ياسعود واحلف بالولي خير معبـود
اني شربت الخمـــــــر كـاس بهواهـا
من قبل عرفه عندي الحـب مفقـود
واقول مابـه بنـت تلحــــــــق هواهـا
كنت احسبن الحب مافيـه مجهـود
و انه قضيـة مـن بغاهـا خذاهـا
وكنت اتحدى بيض الايـام والسـود
واقول مابـه علـة اجهـل دواها
وبديت معها والهدف شبه مقصـود
قلت اتسلـى يابـو خوله معاهـا
واثق واقول ان كل شي لـه حـدود
ومتحكـم بالنفـس والعـن ثواهـا
ماكنت اعرف ان الغلا مابـه ردود
وان الهوى والحب واسـع فضاهـا
راع الهوى لو هو مشى درب منقود
معـذور دام الحـب نفسـه بلاهـا
وانا بحبه صار لـي حبـل معقـود
لو جيت ابجحد بـان فيـه غلاهـا
حبه بداخل شاشـة القلـب موجـود
بنت خذت قلبـي واسرنـي هواهـا
ياللي تصيد صرت بالحب مصيـود
وش موقفك دام صرت تمشي وراها
ودك معك دايم على طول موجـود
وتبذل لها الغالـي تـدور رضاهـا
لا تحاول النسيان والحب فـي زود
ومهما تحاول ماانت هاوي سواهـا
|