مجالس الرويضة لكل العرب - عرض مشاركة واحدة

#1 (**permalink**) 04-09-2009, 07:55 PM

على ذاك الطريق اللي ينسيني متاهاتي
رسى قلبي على دربه وعلى دربه يرسيني

وانا جالس على الأرصف وطالت مسافاتي
ومسافاتي من الرحله بدت بالحيل تطويني

تبعته لين ما جف ريقي وانتهت أوقاتي
وتبعته حتى أقدامي بدت تتعب وتشقيني

تعبت اي والله تعبت من خطواتي وآهاتي
أدور البسمه على أشفاة الطريق وما تلاقيني

صعب أجبر ظروف الوقت في صعوباتي
وصعب أصبر في طيوف الصمت ولا تحاكيني

يا هل ترى ليه الدروب ضايعه في حياتي
يا هل ترى ليه الهروب من نفسي وعناويني

أدور الاسباب فيني ولاني لاقي علاتي
فاتح أبواب قلبي ولا أحد/ن دارين فيني

يا ناس انا برحل بعيد وأنسوني مع سكاتي
وخلوني مع الخطوه أرسم حلمي بعيني

يا ناس أنا معذور جدا وجدا في كتاباتي
لأن ما فيها شي واضح يفرحني ويبكيني

يا ناس هذي حياتي بسمه مع كثر دمعاتي
غريبه والله هالدنيا بس تموتني وتحييني

ياناس لا تلموني أنا من همي أحاتي
لاني من زمن خاين يزعلني ويرضيني

يا شطور الشعر أنا قاسي في رواياتي
تحملي فيني القساوه مع قمه حنيني

ودي أقول أن الأمل يرسم بداياتي
وودي أقول أن الحياه أجمل سنيني

وودي اصحى من نومي وتتحقق طموحاتي
وودي أشوف بسمة الأقدار ترويني

أحلامي كثيره مع الخطوات في رحلاتي
أما تكون هي الفرحه أو حزني يناديني

أنا ما أبي الأقدار تلعب في أمنياتي
وتاخذ من كدر الأقدار كثره وتعطيني

أنا ودي بزمن وافي على أخر مساراتي
وأشوف أفراحي تتهاوش على دربي وترجيني

يا هل ترى وقتي حان من بين أوقاتي
وإلا رحل يجلب الاحزان فيني ويشكيني

أنا صابر على الأقدار وقدري في نهاياتي
وانا صابر على الأسرار وسري من ينهيني