02-09-2009, 12:12 AM
|
| |
ليه يغلا مواعيـدي كتمـت الرحيـل
ليه يغلا مواعيـدي كتمـت الرحيـل
ليه ماشفـت حزنـي بيـنٍ ويْخفـاك
قبلها ماحسبـت انـي أكـون القتيـل
جيت كلّك هلابك رحت كلّـي هـلاك
أدري انّي معك صادق وصبري جميل
وكل شيٍ وقر في خاطرك قلت جـاك
انتهى فيك وصْلي وابتدى الما يسيـل
وابتدى فيك شوفي ماوصـل منْتهـاك
شفت عمري توارى للمغيـب ويشيـل
كل الافراح في عيـنٍ طفتهـا يـداك
أقبل الليل تلوى الليل مـن بعـد ليـل
لافواصل نهار ولا سنا مـن ضيـاك
كنّي اللي نجا عقب الغرق والحصيـل
صار موته على اليابس ضما من جفاك
لو تشره ترى عمـر التشـره طويـل
الحكاوي ربـت عنـدك وفيهـا ولاك
لا تشكك ترى مـا للشكوكـك دليـل
كل شكٍ طرالك فيـه معنـى خطـاك
عاشقك طول عمره ما بغابـك بديـل
الغلا اللي يسوقه والرجا فـي وفـاك
شفت فيك الامل قبله وشديـت حيـل
ليت يغلا مواعيـدي صدَقْنـي هـواك |