30-08-2009, 03:49 AM
|
| |
برق المحبّه
أروح عنك بعيد .. وأقرب وأحييك
وأغضّ عيني عنك وأسكت .. وأروحي
أحاول أبدي شي ماهوب خافيك
و لا ودي أظهر لك خفايا جروحي
أهواك وأعزّك وأقدّرك وأغليك
وأقسى عليك وخاطري لك نصوحي
أقول ما أحبّك وأنا ميت ٍ فيك
وجوارحي من نار حبّك تفوحي
كم ليلة ٍ سرّيتني مع طواريك
والليل موحش والحمامه تنوحي
وقام السهر يفتح عليّ الشبابيك
وبرق المحبّه في عيوني يلوحي
أتركني أبعد عنك وأقول ما أبيك
وإليا جفيتك خل ّ قلبك سموحي
عدّاك لوم الحبّ .. والله يعافيك
أنا معك عذبّت روحي .. بروحي ! |