هوشه بين دب ونحيف
ـــــــــــــــ ـــــــــــــــ ـــــــــ
النحيف : وينك فيه يا الدب سمعت انك متنكر وموقف في الشارع والعالم يدورن حواليك يحسبونك دوار
ـــــــــــــــ ـــــــــــــــ ـــــــــ
الدب : لا يا جنط انا اللي سمعت انك متنكر وخاش مكتبه وقاعد على اساس انك قلم رصاص
ـــــــــــــــ ـــــــــــــــ ـــــــــ
النحيف : يا رجال كل تراب والله لو تصبغ جوانبك اسود وظهرك اصفر صرت كنك حراثه
ـــــــــــــــ ـــــــــــــــ ـــــــــ
الدب : الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب )
ـــــــــــــــ ـــــــــــــــ ـــــــــ
النحيف : ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك عفريتة قلابي
ـــــــــــــــ ـــــــــــــــ ـــــــــ
الدب : قوووووويه هاهاهاهاهاهاه لكن شكلك نسيت يوم تمرض وتروح الدكتور وقال نبي نسوي لك اشعهx قال مايحتاج وخذاك وحطك على لمبة المكتب وشاف وش اللي فيك
ـــــــــــــــ ـــــــــــــــ ـــــــــ
النحيف : يارجال من شفتك لين جيت تركب السياره دهنت جوانبك بفازلين علشان تدخل في السياره وانا غاسل يدي منك
ـــــــــــــــ ـــــــــــــــ ـــــــــ
الدب : ايه ولين ركبت جنبي قمت اعشق فيك احسبك القير من نحفك
ـــــــــــــــ ـــــــــــــــ ـــــــــ
النحيف : أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص
ـــــــــــــــ ـــــــــــــــ ـــــــــ
الدب : اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير
ـــــــــــــــ ـــــــــــــــ ـــــــــ
النحيف : تدري كل ماشفتك ياالنفيخه تذكرت رجال كفرات ميشلان اللي في الدعايه
ـــــــــــــــ ـــــــــــــــ ـــــــــ
الدب : تصدق بالله لو تمر من جنب جيب الدوريات أنك تشوش على جهازهم
ـــــــــــــــ ـــــــــــــــ ـــــــــ
النحيف :مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا
ـــــــــــــــ ـــــــــــــــ ـــــــــ
الدب : ماشفت نفسك وانت واقف ترى رجليك ساق بدون ركبه
ـــــــــــــــ ـــــــــــــــ ـــــــــ
النحيف :اقول سمعت ان اهلك يروشونك في الحوش بمكانس من كبرك
ـــــــــــــــ ـــــــــــــــ ـــــــــ
الدب : انا سامع انك تتروش في المغسله
ـــــــــــــــ ـــــــــــــــ ـــــــــ
النحيف : انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى
ـــــــــــــــ ـــــــــــــــ ـــــــــ
الدب : انا سمعت انهم صوروك 4 في 6 طلعت كلك
ـــــــــــــــ ـــــــــــــــ ـــــــــ
النحيف : انا سمعت انك اذا بغيت تركض تنسدح وتتدربا على جنبك ... أسرع لك
ـــــــــــــــ ـــــــــــــــ ـــــــــ
الدب : اقول رح بس وراك انت ووجهك كنه مكان بريك سيكل
ـــــــــــــــ ـــــــــــــــ ـــــــــ
النحيف :ههههههههه ضحكتني انت وخدودك كنها طبل طقاقه .
ـــــــــــــــ ـــــــــــــــ ـــــــــ
الدب : اقول شف شكلك كنك ريال بيد بزر .
ـــــــــــــــ ـــــــــــــــ ـــــــــ
النحيف : اقول قم بس قم انت وشكلك كنك وايت مياه غير صالحه للشرب .
ـــــــــــــــ ـــــــــــــــ ـــــــــ
الدب : هههههههه ضحكتن انت وشكلك كنك فأر طايح بالبيارة.
ـــــــــــــــ ـــــــــــــــ ـــــــــ
النحيف : شف سنونك كنها طلاب ثالثه جيم واقفين عند مقصف .
ـــــــــــــــ ـــــــــــــــ ـــــــــ
الدب : عاد من زين سنونك كنها ضغاطات مسجل صناعه صينيه
ـــــــــــــــ ـــــــــــــــ ـــــــ
النحيف: أقول تتذكر يومنا في البر ركبوك في الصندوق يحسبونك برميل مويه
ـــــــــــــــ ـــــــــــــــ ـــــ
الدب: آآآآآآآآآآآآآآآ آآآآآآآآآآآآآيه وحطوك جمبي يحسبونك عمود الخيمة
ان شاء الله يعجبكم الموضوع