مجالس الرويضة لكل العرب - عرض مشاركة واحدة

#1 (**permalink**) 23-08-2009, 04:39 PM

السلااااااام عليكم
كيف حال الجميع
اليوم وانا ادور وافرفر في هالمنتديات ومن شعر لشعر حصلت قصيدة اعجبتني ,واتمنى تعجبكم انتم بعد

>>تصاريف الدهر<<
يا علي صار لي ليلين وليلي صار لي ليلين
كاني بعالمي كله اعيش انسان وحداني

تصاريف الدهر ضدي وتحداني زمان البين
اشوف الوقت يجهلني وكل الناس تجفاني

انا من زحمة همومي طريقي ما عرفت من اين
غريب وتايه الخطوه ولا ادري وين عنواني

اجاهد لوعة الحرمان اجاهد بالقسى واللين
اجاهد مااشتكي للناس ولو كان اقرب اخواني

انا لو ضاقت الدنيا في دربي ما اتبع المقفين
ولو ضاعت بي دروبي احاله ينشد لساني

معود نفسي العزّه ولو جار الزمان الشين
رجاها بس من ربي ولا من واحد ثاني

انا من لوعة الدنيا اعاني صار لي عامين
عسى من لامني يبلا ويجي له كثر ماجاني

هموم لاجن بصدري من الماضي وانا للحين
بصدري محتفظ فيها مخبيها بوجداني

تزايد طعنها فيني خناجر سم ذو حدين
تمكن جرحها مني نزيفه قاصي وداني

طريق السعد ياناس انا ويني وهو وين؟
لا صار الوقت ظالمني وكل الناس عدواني

انا يا وقت حالي وجد عود عقب التسعين
تذكر عزة ايامه تذكر ذيك الازماني

عيونه انعمن ما شاف سوى دمعن على الخدين
ومن صغره قضى عمره في حسره والعمر فاني

انا لو اشتكي همي على النسمة تحول طين
ولو اشكي على سلمى وآجا ذابن من احزاني