18-08-2009, 10:49 AM
|
| |
:. ان رحت ببقى لأخر العمر أغليك .:
أذعنت لك (يا بنت ) كل القوافي
لين أستلذ الشعر ذكرك وطاريك
لك بالدلع والرقه أسلوب وافي
كن الدلع يا ذوق حالف يخاويك
أقبلت أعلن في حلاك إعترافي
وأقول ما بالزين غاده تساويك
أنت حلا جذاب طاغي خرافي
وحسنك يكمل في عذوبة معانيك
لك يا (رحيل ) الود ينساب صافي
من خافق اللي بالغلا دوم شاريك
قربك وطن نبضه وهجرك منافي
عايش حياته بالمحبه يداريك
ما تبعده عن درب حبك فيافي
يرسي به الإحساس دوم بمراسيك
مهما بغلاك يزيد ما قال كافي
وده يحطك في وريده ويحميك
بس يا (رحيل ) أرجوك يكفي تجافي
حتى شعوري في غيابك يناديك
لو جيت لك حالف بجي دوم وافي
وإن رحت ببقى لآخر العمر أغليك |