13-08-2009, 05:17 PM
|
| |
ليه ومن غير ليه .. لشاعر/ عبدالله السميري
الصاحب اللي ملكني بالهوا والغـرام
بالله ياللي تجونه سلموا لـي عليـه
ردوا سلامي على اللي يستحق السلام
اللي شراني وانا مثله بعـد مشتريـه
الصاحب اللي معي مخلص رفيع المقام
يحبني حب من قلبه وانا امـوت فيـه
من فضلكـم قـدروه وزوده اهتمـام
عطوه مايطلبـه منكـم ومايشتهييـه
خلي يحب الهدوء ويموت في الانسجام
حاكوه بااسلوب طيب والخطأ لايجيـه
خلوا سواليفكم قدمه بـاأدب واحتـرام
ولا تسألون الحبيب الا سؤالً وجيـه
وليا تكلم لاأحـد منكـم يـرد الكـلام
خلوه يكمل كلامه ليه من غيـر ليـه
خلي كلامه ومنطوقـه علـى مايـرام
كأن العسل يوم يتكلـم علـى شفتيـه
والله ماادري بعد فرقاه وشلـون أنـام
همي ذبحني وقلبي شبـة النـار فيـه
ياناس لاتلحقون اهل المحبـه مـلام
من لامني بالمحبه والله انـه سفيـه
ياناس كسر الخواطر والله انه حـرام
خلوني اعيش جوي ليه من غير ليـه
شعر/عبدالله السميري |