11-08-2009, 10:35 PM
|
| |
(( هقوآت الزمان ))
انا مابين هقوات الزمان ..وطعنة المقفين
رضيت احيا بلا معنى..بليل ٍ..من قهر ..منضام
رضيت اقبــّل كفوف ٍ..تهديني عذاب البين
رضيت..ولاكتبني الحظ ..ولاحتى رؤؤس اقلام
مابين الجرح والجارح ..بكاني شاطر السكيــّن
صحيح الذنب مو ذنبه .. ولكن للظروف احكام
حكايه من الف ليله ..روتها للمدامع عين
وفارسها فنى عمره ..يدوس الشوك بالاقدام
انا الفارس ..انا الفـــارس ..واظنك يالغلا تدرين
دخيل الله من جرحك ..افـــا ياخيبة الاحلااام
افا ياحب من صغره ..ربى يلعب على الحبلين
افا ياكذبة سنيني .. افا..يابدعة الالهااام
حسبتك في هجيري فــّي ..جمعتك يالقسى من لين
زرعتك بالصحاري ورد..جنيتك للاسف ..اوهام
كتبتك حرف في قافي ..ولونتك بلا تلوين
رسمتك لوحة اشعاري ..حنيني ..وفارسك ..رساام
وعلى شوقي جرحتيني ..والا هي حقوق ودين
اذا هو دين وش ماخذ؟؟والا وشهو الاجراام
اقفيتي عن عيوني..والا ياطعنة المقفين
رضيت احيا على الهامش ..وتكفيني رؤؤس اقلاام
انتظرو تحميل الصووت |