ياذا الجلال اللي بذكرك نستجير من الهموم
ياعالم(ن) في كل شي ومانكنّـه فالصـدر
يللي على الدنيا تدوم وغير وجهك مايـدوم
أعوذ بك من سكرة الموتى ومن ضيق القبر
يللي بسطت الأرض لعبادك وعلّيت النجوم
يامحيي القاع الهشيم ورازق اصناف البشر
ياللي بأمرك تستدير الارض وتسير الغيوم
أضلّنا يلله بضلـك يـوم ميقـاف الحشـر
يارب تقبل طاعتي لك يوم أحج ويوم اصوم
يارب لاتحرمني الطاعه وزدنـي فالأجـر
يارب ترحمني وتجعلني من النار أمعصوم
واقبل دعائي يامجيب الناس في سر وجهر
يالله رجيتك ياالاهي كل وقت وكـل يـوم
اقبض على روحي وانا ساجد وفي ليلة قدر
وارحم عيون(ن) لاغشاها الليل ماتقدر تنوم
اللي ليا نامت عيون الناس طاولها السهـر
وارحم شقيّاً عذّبة حضـه وعيّـا لايقـوم
ماهوب لاقي في حياته من يشد ابه الظهـر
//
::ممــآ رآق لي ::