جرحتني وجيت للناس شكاي
ظلمت قلبي دون ماتسمع دفاعه ..

عشرين راي لك ولا تصفى على راي
تشتري وتبيع أقلوب شريا البضاعه ..

ساعه تقول أنك ماطيق فرقاي
وساعه تجيني بالهجر والقطاعه ..

وشلون أحبك وأنتي لك قلب نساي
قلبك طوى في بحر شوقي شراعه ..

ضعت في هواك سنين مانلت رجواي
حيث الوفا عندك طافي شعاعه ..

عمري يضيع اليوم مارده أبكاي
الله على الظالم خاين الوداعه ..

منكوب اللي راح ومنكوب اللي جاي
صدقت حبك لي وأثره أشاعه ..

يانور عيني وياحياتي ودنياي
القلب ضاع وأنت سبة ضياعه ..