لو تقدر خاطري صدق اكسرـﮧ .. لو صحيح تحبني لا تستشير ة


ازرع بقلبي سبب يستنفرـﮧ .. اثبت انك غير وان الناس غير


شاعرك ما كل بنت تجرجرـﮧ .. حارت ابـﮧ عقول ناس(ن) ما تحير


النسا ما حركوا فيه شعرـﮧ .. ثار عشق وما لقى شي يثير


لو سكت شفت الوقار بمنبرـﮧ .. وان تكلم زمهرير بزمهرير


ما يحضر إلا القلوب مجمهرـﮧ .. وما يغيب الا وعشاقه كثير


إن هجرته تستقر بمحجرـﮧ .. وإن تبعت رضاه ما عينت خير


إعشقه لكن بعد ما تقهرـﮧ .. إبتسم له بس لا شفته كسير


حن لكن حن لا جبت خبرـﮧ .. حب لكن خل حبك بالاخير


لو عطيته وجهك أعطاك ظهرـﮧ .. صد عنه ويتبعك مثل الضرير


لا تحاول تكسبه ما تخسرـﮧ .. صير ثلج يصير لك مثل السعير


ما تميل الا الغصون المثمرـﮧ .. وما يسيل من الجروح الا الغزير


من قبل ما تنقهر منه اقهرـﮧ .. قبل لا يستحقرك خلك حقير


اسكنه حرك جموده بعثرـﮧ .. اعشق اكره عاتب اشره حن غير


انثره لملمه لملمه انثرـﮧ .. صد ياخي طير لو تقدر تطير


من متى وانا اتحرى لي مرـﮧ .. تثبت اني لا وقعت اوقع كبير


ابك انا مقطوع من غصن شجرـﮧ .. لا صديق ولا رفيق ولا عشير


بدوي(ن) شيب الصبر شعرـﮧ .. ما عرف ريش النعام ولا الحرير


إن غفا كأن السحاب يدثرـﮧ .. وإن صحى يفرش من الرمضا حصير


ماخذ(ن) من قسوة البيد أكثرـﮧ .. ومن شموخ البدو شر(ن) مستطير


جنته صحراه والشوك زهرـﮧ .. والسراب بنظرته مثل الغدير


إن فزع يا مشجعه يا مظفرـﮧ .. من خلقه الله وهو قرم وفقير


كان ما تقدره قل ما تقدرـﮧ .. صير غالي صدق والا لا تصير


الغلا اللي ما تزعزعه اهجرـﮧ .. دام قلبك لا يجار ولا يجير


شوف لك رجل(ن) بليد استحقرـﮧ .. واجد اللي يعشقون بلا ضمير


بس انا لو جبت لي مية مرـﮧ .. ما تحرك فيّ شعره لو تطير



شعر: حامد زيد

م/ن