يبكيه عـودٍ ثالثـة رجليـه العصـا
يكـوده عـقـب القـعـاد مـقـام
وتبكيه عـذرا فاتهـا غـي الصبـا
كما فـات العصيـر لقّـاف حمـام
ومن قبلك الهلالات يالعين فأصبـري
بيوتهـم عقـب العـمـار هــدام
ومن قبلك آل حميد يالعين فأصبـري
الـزاد فـقـه والبـيـوت خـيـام
ومن قبلك آل حبيش يالعين فأصبري
جريـس وزبـن الجاذيـات حـزام
ومن قبلك آل معيض يالعين فأصبري
,أهـل بـيـوتٍ عنـدهـا جـهـام
وكل القبايـل قـد عثـت بنزولهـم
وجموعهم عقـب الصفـاف أثـلام
يالله يالمطلـوب تجبـر مصيبـتـي
يـا جابـر المكسـور يـا عــلام
أنـا وغيـري كلبـونـا بقـدرتـك,
يـا خالـق الأنــوار والأظــلام
تلطف بعـودٍ يـوم أخـذت جنينـه,
سهيـر عيـن مـا يـذوق مـنـام
عودٍ غريب الـدار عـن جماعتـها
ليـوم عنـده كنـه ميـة عــام
وتجبر عزا من عافت النوم عينهـا
والكبـد صامـت مـا تبـي طعـام
دنيـا دهتـنـا وفجعتـنـا بـغـرة,
عـودٍ غريـب وحـايـر الأقــدام
دنيا فجعتنـا يـا كفـى الله شرهـا
والـزرع لابـده مــن الـصـرام
بقعا خذت مـن الأوليـن وعادهـا
وفـي خشمهـا للمقبليـن عــرام
وأذكـر الله عـدة حـروف قلتـهـا
وصلـوا علـى المختـار يالاسـلام