26-07-2009, 02:22 AM
|
| |
يــــ بحـــر ـــــا فيني مــ الحزن ـــن........... .
يا بحر فيني من الحزن كثر ما فيك
من حزن ..واوجاع..وغياب .. وغرايب
لا تلومني اليا شفتني دايم اجيك
ولا شفتني دايم على الشط ذايب
حزني كبير اكبر من حدود شاطيك
واقسى من جروح الزمان العطايب
وان كان تنشدني فانا مقدر اخفيك
دايم اظن ويطلع الظن خايب
في هالزمن اقرب حبايبك يشقيك
الين تدفع في غلاه الضرايب
من بعدها يبتعد عنك ويجفيك
ما كنه بجنبك قضى الوقت طايب
والا الخوي اللي توقعت يفديك
يفديك عمره لاغدت بك نشايب
صد..وتصدد..ما يبي سمع طاريك
وياما انت دونه اتعبتك الطلايب
لا تقول لي بدري وتوك ويمديك
وتعال واسمع باقي الهرج صايب
خلك بحالك واطلب الرب يهديك
ولا تنشد اللي غاب وين انت غايب
وان شفتني غايب عن حدود شاطيك
اعرف تراني تحت ذيك النصايب
واعرف تراني دايم ان ضقت باجيك
لاني انا والموج صرنا حبايب |