مجالس الرويضة لكل العرب - عرض مشاركة واحدة

#1 (**permalink**) 22-07-2009, 11:16 AM

تــدري وش اللي يجرح القـلـب جرحيــــن
ويمـــد حبــــل الحـــزن فيـــك ويشــــده

إنـــك تنـاظــر طـفــل مـن غيـــر أبويــــن
يمشــــي ودمعـــه سايــل فـــوق خــــــده

منظــر صعيـب ويقســـم القلب قسميـــــن
لا قــام يمســــح دمعـــــه بكــــف يـــــــده

يمشـي ولا يــدري طريقــه علـى ويـــــن
ليــن التعـــــب من كثـــر ما تــــاه هـــــده

أثقـــل حـــروف يشيلـهـا فـيـــه حرفيــــن
لا أب يـــــــدري بــــــــه ولا أم تــــــــرده

في خطوتــه رحلـــة ودمعـــة وسـكيـــــن
وحــــــظ توســــد بالمــراســـي مـخـــــده

جيــت أسأله باللـه قول لــي ولــد ميـــن؟
وبغــى يجــاوب .. واخـتنــق صــوت رده

أنـــا يتيـــــم ومــا لـدربــــي عنــاويــــــن
وجــــزر الحـــزن فينــي يســـاوي لمـــده

وطعــم الطفولــــة ما عرفتـه لهـالحيــــن
وثــوب السـعــــادة صـــرت مانيــب قــــده

أبكــي إلـــي من شفت غيــري سعيديــــن
ليـــن البكــــــا فيـنــــي يـوصـــــل لحــــده

واقفـــى ورحت امسح دموعي من العيــن
وعـينـــــي تناظــــر دمعـتـــه فـــوق خــــده

وهذا اللـــي يـجـــرح القلــــب جــرحـيــــن
ويمــد حبـــل الحــــزن غصـــب ويـشــــده