ما خفى منـك تبينـه العيـون=وكل نضره من عيونـك بينـه
ادرى انك ما تخيبك الضنـون=وادري ان اقسى ضنونك لينـه
دام في جوفك لي الحب بجنون=ليـه مـا تنطـق ولـي تبينـه
تحسب اني لا دريت اني بخون=لا وربـي حبنـا مـا هيـنـه
وكان عندك شك جعلك ما تهون=جرب وقلي وش انـت معينـه
وان لقيت بداخلي بيت وظعون=في طريقك به خـرابٍ زينـه
سبته صمتك وفرقاك الطعـون=عقب زينه جاني اللـي شينـه
انشد العالـم اذا هـم يذكـرون=كيف كانه عقب ما انت تطينـه
طالبك اجهر اباهـم يعرفـون=بـأن كلماتـك حلـى وحنينـه
لا غشى الدنيا وصار بها سكون=اتمنـى شـي ويـن أعيـنـه
ليت به ناسٍ لجرحي يشتـرون=كان مـن جـا يشتـري بدينـه
لجل يدري ليه انا كنت مغبـون=ولجل يدري ليه ما انتي هينـه