مدامك سائل عني اكيد ان ضيقتي راحت
انا من كثر ما احبك اشوفك في عيوني غير
تضيق النفس من غيرك ولا من شفتك ارتاحت
احبك كثر ما تطري في بالي وتشغل التفكير
كثر ما اشيلك بعيني وناس منها طاحت
احبك كثر ما اجمح خطاك ان خانك التعبير
كثر ما خانت الرفقة بكتم اسرارها وباحت
احبك كثر صقار تولع في محبة طير
كثر ما دلة الطيب بريحة هيلها فاحت
احبك كثر ما احس بشعور اني عليك اغير
كثر ما ازيح هالغيرة عن افكاري ولا انزاحت
احبك كثر ما الاقدار تخلي لك حب وغلا وتقدير
كثر ما غبت عن عيني ودموع مفارقك ساحت
تصدق من عرفتك صرت احبك واكره التغيير
وانا اللي كنت اعشق كل نجمة في السما لاحت
تأكد كل ما تسأل عن احوالي اكون بخير
مدامك سائل عني اكيد ان ضيقتي راحت