السلام عليكم ورحمة الله وبركاته
مساء الخير على الجميع
أحب أن أضع بين أياديكم مقتطفات من بحر الشاعر : سعد بن جدلان
واللتي تحمل فيها من الحكمه والغزل والطرافه ..
يا أخي الشاعر ؟.. ترى ما فوق راسك ريشة
ما تحتك إلا ظلالك .. ترمحـه و تهبـده
ما يهم تسبّ تمدح شخص .. تطلب عيشة
المهم إن المشاهـدين .. يعرفـون الزبـده
تتقي و تبين كنـك تلعـب الخشّيشـه
المشاهد تحرق أعصابه و تدبل كبـده
المزاج المنجرف .. و الأنفـس الطنّيشـه
ما تسّمع في السديس .. ولا محمد عبـده
............... ............... ............... ......
مكتب الأحوال .. معطينـي بطاقـه
والبسيطة مايضيق اللـي عليهـا
حط لك .. في كل وادي .. ورد باقـه
وإن تضايق خاطرك فانحر حداها
واخذ ذربات المعارف والرفاقـه
واترك اللي في صدور الناس .. فيها
............... ............... ......
عزّرت فينا .. صواليـن الحلاقـه
فرشة الحـلاق .. موسـه مقتفيهـا
نتبع الحلاق مـن شـان اللياقـه
ولا درينا .. إلا لحانـا فـي يديهـا
............... ............... .......
أنا قلبي يوم أشوفك .. يجي فيه ارعشه
حب .. مدري شوق .. مدري غلا .. مدري شفاه
............... ............... ..
أنت مثل الغيث .. لا مر له دار أنعشه
صح من قال أقرب الحي .. يزيدك حياه
............... ..............
والله ما يوجع الرجـال فـي راسـه
غير إختلاف الشفوف .. و وحشة الديره
............... ............... .
تثير فيـه الزعـل .. وتبلـّد احساسـه
ويصير من ربكة التفكير .. فـي حيـره
............... ............... ......
أقول في وقتي اللي معـك مـا يكتمـل
الوقـت غـدار .. و الدنيـا قليلـة حـلا
............... ............... ......
من شاف و جه الغلا .. يضحك بوجه الملل
و الله ان يخلي لزومه .. و يتلقّـى الخـلا
............... ............... ......
السعودي .. يفتخر في الدير .. عرض و طول
بأوسـط العالـم .. يمثـّل بطولـة رامبـا
ما سمعت الراجحي للمساهم وش يقـول
احتزم بي للثنادي .. و أنـا أخّـو سامبـا
............... ............... ..
روسنا شابت .. ودنيانا على زمة صباها
وامتلينا آهات .. من بعد الطموحات الصعيبه
كثرة الآهات .. من كثر الجروح اللي وراها
كل جرح منه آه .. وكل آه منه شيبه
............... ............... .....
تدري وش مسبّب القالون والجلطه ؟
وتدري واش اللي مخلّي عارضي شايب ؟
وتدري وش الغلطه إليا قالو الغلطه ؟
لا صرت مؤمن .. وتآمن واحدٍ خايب
............... ...........
وش بنا .. وش ذنبنا .. حبنا من حبّنا
الديار بخير .. من زارها ما ذمّها
لا أنعزل شمامتين من الطلع اقرنا
ومرّها الساقي .. وهبّ الهوي من يمّها
أتعب أنا .. كل ما أشوفها .. أتعب أنا
واحترق واذوب .. وأروح في عين امّها
............... ............... ....
لولا الطيب عند الطيبين يحضر ويغيب
وكبر الطيب لا من سار بالطيب هرّاجه
والله لولا العود الأزرق .. ما هو الطيب ؟
إن العود الأزرق .. ما يساوي ولا حاجه
............... ...............
الله يرحم ابوك وامك ويلحقك بهواك
كلنا للي تقولين .. آذان صاغيه
أنت مطغيك البها لين حدّد مستواك
يعني أكبر مجرمه حب .. وأكبر طاغيه
شوفتك للي فؤاده مريض في حراك ؟
جنّة ما ينسمع في طرفها لاغيه
............... ...........
انت يا نصّاب .. ياهوه .. يا حضرة جناب
كل ما دار النظر .. فيك شيء لبّ له
إعتراضة مهرة .. في غيادين الشباب
والتصفّح ؟ خيرة البل مع المتوبّله
لا نصبت لفاتناتٍ تحزّم بالثياب
ونرجسياتٍ تخلّي العقول مهبّله
لو حصل لي منك يا زين .. ما لذّ وطاب ؟
احتفلت وجبت رقاصه وجبت مطبّله
............... ...............
مابه جناب دماث .. يحمد أربابه
كود الرجاجيل .. وكتوف الأراضيني
بعض الرجاجيل ؟ يطمع به .. ويلقابه
مهما أغتنوا عنه ؟ عادوا له فقاريني
مثل الجبل .. ينلقى به مطمع ذيابه
يركض به الذيب .. لين يعوّد حصيني