وجهك غضب وجهك عروس ... يضوي مدى يحرق نفوس
تشبه لك الشمس الشموس
ومالـمحتك
سلام يااحلى الانـــام ... دربي مثل عينك ظلام
تشبه لك اسراب الحمام
وماوصلتك
ياصوتها الرايح وجاي ... مابين اشواقي وشقاي
تشبه لك الونه وناي
وماسمعتك
حبيبتي والبوح نار ... انتي انا بكل اختصار
تشبه لك عيون الصغار
وماعشقتك
يامهرتي الصغرى الاصيل ... تلعب وانا صب نحيل
تشبهك غابات النخيل
وماسكنتك
ياغاية الحلم المحال ... مثلك انا حلمي الوصال
يشبهك في الشاعر خيال
وماكتبتك