آخــــر الحــــــــــــ ـــــــب
كنت أحسب إني عرفت الحب قبل أعرفك ....
وعشقت قبل أعشقك واشتقت قبل ألتقيك
وكنت أحسب إني لقيت أحباب قبل أوصلك ....
واثري توهمت في غيرك وأنا كنت أبيك
تعــــال نعطش تشربني وأنا أشربك ....
تعال قبل الوعد أجلس معي نحتريك
تعـــال شفني وأنا استناك كم أشبهك ....
يطري علي ألف راي وراي واحتار فيك
أجي مكان الوعد ولا اسبقه أنطرك ....
ولا آخذ الموعد اللي يحتريك وأجيك
يـــا آخــــر الحــــــــــب ذقت الحب في أولك ....
ويا أول الشوق أقصى الشوق ماينتهيك
علمتني كيف أعرفك لين صرت أجهلك ....
ضيعتني في متاهاتك وكنت أرتجيك
حبيب الأحلام يابعدك ويا مقربك ....
حرام يكفي تبعثرني وأنا أحتويك
إن شفتك بحلم صدقته وأنا أتوهمك ....
وإن شفتك في علم كذبته إلين انتشيك
أخاف أغمض عيوني وإن رمشت أفقدك ....
وأخاف أفتح وتصبح حلم ولا ألتقيك