هل يخاف المفحطين ؟
أعتقد إن الإجابة لا
لأن من يسوّي كل هذا أكيد قلبه في البيت !
سرعات مجنونة ووسائل أمان معدومة وتهوّر ! ..
بعضهم ياخذ مخدرات او يدخن الحشيش قبل لايفحط
وبعضهم عادي يمكن يتخدرون من المسجل وكلمات التشجيع ! ..
من شفتهم يصفقون ويتركون الدركسون
وأحياناً يفحطون بـ يد وحده وانا داري إنهم فاصلين عقولهم
----------------
أشواط خيالية !
*هذا المفحط لما اعتزل قال كلمة طريقة
" اذا اكتشفتو حركة جديدة علّموني "
هذا يدل على مهارته وملله من كثرة التفحيط ! ..
أقدم مفحط تقريباً هو بدر عوض
صار له عشرين سنة تقريباً في عالم التفحيط
----------------
كتابات وعبارات للمفحطين
كل مفحط غالباً يكتب كتابات على السيارة
وبعض الأحيان يكتبون كتابات على حسب المناسبات
* أحد المفحطين في الفالنتاين غيّر انوار السيارة للأحمر ! ..
أمثلة للكتابات على سيارات المفحطين :
-صحيح إني جديد بس هز على الحديد
-بودعكم يا احبابي .. غصب عني ولا انا مابي
-الكامري تلعب والدوريّات تتعب
-الكامري تحت اوامري
-آمري ياكامري
-خذ الحذر .. بوبو وصل
-مايهز الحديد الا الشديد
-الهنادي تطلب والصوفي يطرب
--------------
وهذي كسرات أو أبيات
كُتبت للمفحطين خصيصاً
وتم تلحينها وغنائها لهم ! ..
وانتشرت في بين الشباب
--------------
بدر عوض لقبه : King
سر ياقلم واكتب الكسرات،
كسرات للكنق نهديها
لأبوعوض قاهر الطارات ،
نكتب ونوزن قوافيها
لو خصموا في حقك وسبوا ،
يابدر ياملك الطارة
الحق ينقال لو خبوا ،
أحسن من هز بالطاراة
بدر عوض لذة التفحيط ،
لين جاك الإبداع بتشوفه
يامطلب الناس في التشويط ،
تسلم لنا الكنق وكفوفه
والله بيبطون يابدر ما نطلوا مثلك
لارحت للكامري المليون
الكل يوقف ويحضر لك
--------------
نواف لقبه : سري للغايه

سلام في أول الأبيات ،
لعيون نواف نكتبها
أبيات الهجولة بالذات ،
و الكامري وفيه مأدبها
الموت جا لأغلب الطارات ،
نواف للهجولة راجع
رجعلكم راعي التكيات ،
والي يتحدى يجي الشارع
صغير في جسمه في عمره ،
كبير لين جا على الطاره
بالهجولة واسع الشهرة ،
بيبان على أي سيارة
اسأل عن النطل والإبداع ،
لازم تجي انت وتشوفه
كل من تحداه حقه ضاع ،
هذي النتيجة معروفة
الكامري في قوة النطلات ،
تقول يابوسويلم كفاية
عقد سفاتي وعكسيات ،
مشكور يأدب للغاية
الكامري يازين نطلتها ،
بيبان في الدائري تكييف
مادام نواف طارتها ،
أكيد للأرصفة تشطيف
يامعاند البحر احذر منه ،
لاتفتري بينهضم حقك
لين خش نواف ابعد عنه ،
خذها نصيحة أحسن لك
بالشطف نواف ترى معروف ،
أهل الشفا قدموا شكوى
وختام مني لكل الناس
المعذرة كان أنا زليت
لعيون نواف أنا غنيت
لعيون نواف أنا غنيت
--------------
الخفش يدلعونه خفّوش
خفوش تسلم يابومبارك ،
يامعذب الكامري تعذيب
بالهجولة دايم مشارك ،
يامعذب الدائري تعذيب
خفوش في نطلتك نسعد ،
والطارة خفوش يعقدها
أربع وسفتي وعكسية ،
خفوش دايم يطبقها
النطل دايم فروسية ،
كل الشوارع يخشبها
--------------
ابو جنّيه
أبوفيصل يبدأ الكسرات ،
نهدي لأبوسيف أغانينا
يازينها والله النطلات ،
حنا علشانكم جينا
فيصل لو مسك الطارة ،
والي بيجاكر ترى خسران
كم واحد ظاعت أخباره ،
والوعد والله بالميدان
ليمنه صقع العكسية
القير تسمع له صوتين
وشعول يشتعل عصرية
حركة المقص على الشكلين
الكامري نطلها بيبان
وش عاد لا قصت الدوار
لين شفت نطلك جاني جنان
خطر عليه أروح شهار
شد العزم تحت 200
ضغط المكينة على 6
عليك يتسابق الحلوين
كلن تمناك علمته
يافيصل اشرح دروس مجان
يامحكم النطل والتكبيس
كل المواتر مأدبها
للزوم والكامري تدريس
حتى الأبيكا تسدحها
ياسايق الكامري استئجار
عطها لأبوسيف يأدبها
كلن تهول كبار وصغار
زايد ماقصر يصورها
في شارع الدائري تطويف
أربع وسفتي يطبقها
تسلم يمينك يابوسيف
حتى المواكب تشطفها
كل الشبيبه تصفقله
من الشمال إلى الغرب
والناس كلن تشهدله
بالكامري لين انه طب
يابوسيف اشرح دروس مجان
بالسرعة دايم متهور
يافيصل بالله ارحمنا
يازايد يامخرج يامصور
الحقه قبل يهز عنا
الله يذكر زمان أول
يوم السدارك نطيحها
يوم المحاقين تتطول
يوم الرصيفات نطلعها
ألحين بزران تتطول
على الرجاجيل بنفختها
كل شئ ياعالم تحول
تحيه مني إلى الساحوت
وقدرك عالي يابوناشي
وكنق الدخل مثل الياقوت
حتى أبوسلطان على راسي
وختامها الكل يسمعنا
أقولها والله المعبود
الهجولة مالها معنى
لين غاب فيصل عن المحدود

--------------
تمـــــــــــــ ـــت