22-05-2009, 01:20 PM
|
| |
أعظـــم وجــــع
أعظم )وجــع ( بالحب لا صرت تشتاق
لـ اللي تحب ولا أنت قـادر تشوفه!
يكويـكـ "جمـرٍ" داخـل القلب حرّاق
زود ٍعلــى نــاره تهـدّكـ طيوفه!
لا مـرّ بعيـونكـ كمـا نـوض برّاق
مـالكـ مجــال إلاّ تســاير ظروفه..
ياصاحبـي لـو بينـي وبينـكـ آفاق
نفسي معـكـ في كـل حالـه شغوفه
ما كنت "قبلكـ" خلف الإحساس أنسـاق
وإن شفـت درب الحب أسكت وأطوفـه..
يلين جـاني منعطـف سيل الأشـواق
بأمر الغـرام اللـي سطت بي سيوفـه..
قاومت لكـن خافـي الحب ماطاق
صابه صمـود ٍ زلـزل أجزاء خوفـه..
بغيـت أردّه بـس حسيـت بإخفاق!
في لحظـة ٍ"مـد" لـ كفوفكـ كفوفه..
جا لكـ ولا كنت أحسـب الحب دفاق
لين أغرق الخـافق وسال بـ نزوفـه..
أثْــر المحبـة نبضهـا دوم سرّاق
دمي وهـو دمـي بجسمـي تحوفـه!
حاولت أداري حـب قلبـي بالأوراق
وأثْر الورق ماهـي أمينـة حروفه
سـلّ المشاعر من متاهات الأعمـاق
وأصبح يفسرّ كل وضـع بوصوفه..
يكتب تقاريـر الغـلا وقت الإشـراق
وعند المسـا يعطيـك باقي كشوفـه..
يا"جامـع" ٍ حنيّـة الكون بأخلاق
}معـذور قلبـي لـو يضمكـ بجوفـه{
أعظم ) وجـع ( بالحب لا صـرت تشتـاق
لـ اللي تحب ولا أنت قـادر تشوووفه!!
|