اخر اخبار قلبي ونة ٍ قبل ساعه = باعتقادي صداها كان باقصى وريدك
انت تدري بقلبي وانت خابر طباعه =لاتحاول تجافي والثقل مايفيدك
شف ترى الواجب انك تمتثل لي بطاعه = وتعرف اني بقلبي صرت في الحب سيدك
ليس هذا غرور ٍ بس والله قناعه = كلمة الحب تعني كن على مااريدك
خذ تعلم على يدي الهوى والبراعه = خذ اتيكيت مني واحفظه في بريدك
لادعيتك فقل لبيه سمعا وطاعه = وقل احبك اذا نا قلت وش هو جديدك
وافترض في حضوري شخص يمكن وداعه =وانتظر في غيابي وامسك القلب بيدك
خل شوقك معي دايم تواجه صراعه= واعتبر كل شوق ٍ فيك عندي يعيدك
وان طلبتك تقول اهواك فظهر براعه = قد مافيك لاتنطق بكلمة اريدك
والتفت لي بنظره جزء منها شجاعه = وباقي اجزائها كلمة تراني شهيدك
واثقل اثقل وكن مابين ساعه وساعه = مثل طفل ٍ مدلل لانصحته يكيدك
وخل حبي بقلبك قوته والمناعه = وش هو الحب لاماصار فعلا عضيدك
واحتفظ بي ولكن خل عندك قناعه = صعب كفي بيوم ٍ تمسكه انت بيدك