الله اكبر كيف يجرحـن العيـون

كيف ما يبرى صويب العين ابـد

أحسب أن الرمش لى سَلهم حنون

اثر رمش العين ما يـاوي لأحـد

يوم روّح لي نظر عينـه بهـون

فزّ لـه قلبـي وصفّـق وارتعـد

لفّني مثل السحايـب والمـزون

في عيوني برق وبقلبـي رعـد

نقّض جروحي وجدّد بي طعـون

قلت يكفي قالـت عيونـه بعـد

وانعطف هاك الشعر فوق المتون

وانثنـى عـوده وقفّـى وابتعـد

أشغلتني نظـرة العيـن الفتـون

حيّرتنـي بالتـوعّـد والـوعـد

هي تمون العيـن والا ماتمـون

لى خذت قلبـي وقفّـت ياسعـد