21-04-2009, 04:28 PM
|
| |
رد: أفتحوا اذاعة الرياض بسرعه
راحت عليكم ما سمعتوهم ينادون الرجال مقفل جواله حاولوا تتواصلون معه وكل اهل الرويضة والقويعية يدقون علي ومطنشهم ماارد انتظر اتصال الاذاعة والله ماادري وشلون صارت الجوال مفتوح ومن كثر ماتجي مكالمات ماصار يستقبل هاتف الاذاعه الاّ عقب الشين
المهم تكلمنا عن الزواج من الخارج وقلت اللي يقولون حنا عيال قبايل وخط 220 يتركون بنات بلادهم بحجة انها خط 110 ويتزوجون وحده من الخارج تحت الصفر هههههههه للاسف
ايضا قلت المعلمين يمثلون 70% من زواجات الصيف يروحون على بالهم كشته 3شهور ويتزوجون ويطلقون وعيالنا ضاقت بهم شوارع جاكرتا ومانيلا والقاهره ودمشق وبريطانيا .
وكان الحوار عن تجربتي مع الزواج من الخارج والذي تقمصت فيه شخصية سعودي يبحث عن الزواج وجربت في انودنيسا ومصر وسوريا والاردن .
على العموم تابعوا الساحة رقم 2 السبت الجاي 9مساءا في حوار مدته ساعة اسم البرنامج
مجتمع واحد والموضوع العنف بين الشباب وسلامتكم |