<< تسبدها توجعها من عشا أمس 
حسبي الله على بليسكن بني آخر زمن والله << وش عندها العجوز
وش ذا المطعم الخايس الله مير يكرم النعمة
قايلة لكم يمدحوووون البخآري ياناس << مزاج زيود
يالله من فضلك بخآري النفر بعشرة وقوطي ببسي ياسلالام سلّم
بس ياحبكن للخساير
بس أحلى شي يوم ندخل للمطعم , عاد أختكم نشبت في حلودزهم جيبووووو بارتشنس ( حواجز ) << لغير المتحدثين باللغة السريالية
جابوا تغريبا عشر طعشر واحد << ماتفقش
سوينا إزعاج ياحبي لنا , ألا واحد من قوم آل خكري يلخصنا (( ينظر إلينا شزرا )) << امووووووووت ع الطرررجمة
قال : اوف عيال السويدي ملاحقينا في كل مكان !!
قلت : نعم !! سويدي في عين أمك يابابا
وأقوم اتفلت عليه , الا الربع يمسكوني يابنت الحلال اذكري الله وادحري بليس وانا أصايح فكوني عليه فكوني << مادري وش فيني هالايام صايرة أم هيط قووة
بس بيني وبينكم أشوا أنهم مسكوني لان اللي ناوية أمردغه من الحجم الثقييييل
وقسم يخليني كفته على الصاج
وانا اللي أمسك جوالي واتكلم بصوت عالي سلام عليكم !! الاخ هيئه ؟
<< بداية الخييير
لو سمحت بوه واحدن تهجم عليه وشكله يبغى له كم مخمس من أيديكم الكريمة !
والا مادريت الا الرجال يمغط : the pell plase ( يارجال هات الفاتورة )
<< بيهج الرجال
عاد شكلي انوااااع الشبهه << عبايتها منشقه وزارفه عبايه جدتها
الله يهديها جدتي تحب الزري حتى في العباية ومنقزعه وحالتها حاااله
<< مادقت عليها جدتها وارسلت لها تفله محترمه عبر الاثير
وانا اقول : عجلوووو همااااااه
<< كلمته جدتي اذا بغت تلزم على ام سليمان الحوطيه ام جيراننا
يوه عااااد
تعالوا شوفوا راسي وش طلع , تخبرون من أعراض الهياط انتفاخ الرأس
وبنات عمي صفقوا لي وجاء مدير المطعم كرمني وقال الله يكثر من أمثالتس
<< لاتخلوا من الشطحات والمبالغات اللي ماتنبلع
الا على طاري محمد عبده حسسسسسسبي الله عليكم
انا اقول شغلوا طائر النورس حلق حلق << وش تبيييييييييين
بس افا عليكم صجيتهم لين طفوه وشغل عمو محمد صديق المنشاوي
حسيت اننا في مسلسل مصري والام جالسة مع بنتها مشغلين محمد صديق المنشاوي وتقول لها : المرحوم كان طيب
<< لا عمرتس تتخيلين
رسالة جديدة من عمو على بيجري :
بنت اخوي الغالية وش رايتس بفطور يحبه قليبتس كبدة وكلاوي ؟؟
خابرتس تغدين كشنة عند الكبدة يالتسلبة << ياحليله كاشفن عمو
اذا تبين ردي لي ولا تعلمين الباقين خابرهم مايحبون الكبدة وبينكدون علينا ؟
<< شيــــــّاب
مدري وش فيني هالايام صايرة فـــلــــــة
<< بتنجلد