مجالس الرويضة لكل العرب - عرض مشاركة واحدة

#1 (**permalink**) 16-03-2009, 11:11 PM

خواطر
ياصاحبي دن القلم واكتب القول
واكتب عبارات بصدري تبارا

خواطر تتراى تزاحم على طول
ضاقت بها نفسي ليل ونهارا

كثر الخطاء خلاء لي القلب معلول
الي يمارس دوم سر وجهارا

في ديرتي صار الفتى تقل بهلول
يمشي بلا نهج حياته خسارا

سلط عليه جيوش الافساد له صول
من كل صوب ومن كل حدب تدارا

بالمدرسة ياصاحبي صار له جول
بالبيت والشارع ومامن خيارا

جحافل جاشت بفلول وفلول
واصبح يفتخ مثل فرخ الحبارا

لو يحتمي بقصور عاج على طول
لابد ما يغشاه منها اغبارا

سار الفساد بديرتي عرض وطول
شرق وجنوب وغرب وكل الديارا

كثرت قنوات الخنا ياولد هول
صار يتبناها رجال كبارا

نخوه
اهيب باخواني وربعي وعزوتي
وباهل التقى وكل الرجال الغيارا

الحرص على النشئ الجديد من الردا
وسقوطهم بشراك اهل الدمرا

اهل الردى جابو سموم لديرتي
اخسو خسيتو يانجوس قذارا

واهيب بالمسأول والي مكلف
بمطارده المجرم يزيح الستارا

عن من يورد كل ما يدمر بلاده
لو هو ابن عمه او ابن جارا

واهيب بالاعلام هي والمدارس
واهل القلم والفكر هم والشعارا

واهيب باهل الخطب فوق المنابر
واهل الصحف كله صغار وكبارا

وانخى جميع الناس في كل محفل
واهل الرياضه وكل شهم خيارا

تصدو لهل الخنا جلابة الردى
شبابكم ولا وانتم حيارا

مامنكم الي قال لاشر وقف
ياحيف وين الرجال الغيارا

الكل منكم منشغل في شؤونه
مايلتفت لو شب شليله بنارا

النار تسري مسعره في بيوتكم
وانتم عنه نوما شبيه السكارا

ياويحكم يا اخوان خاب ضنكم
بعيالكم صارو عليكم خسارا

انا ما جلدت الذات الا لأجلكم
لاجل الولد والبنت وام الصغارا

وانا ما قسيت بكل قولي عليكم
حبي لكم خلا دموعي تبارا

العذر منكم كان بالقول هفوه
او كلمه زلت بدون اختيارا