مجالس الرويضة لكل العرب - عرض مشاركة واحدة

#1 (**permalink**) 16-02-2009, 02:39 PM

بسم الله الرحمن الرحيم

وصلتني هذه الطلبات من بعض الشباب الراغب في الزواج وعلى كل وحده تختار ما يناسبها مع تمنياتنا لكم بزواج سعيد
الاسم: سندس ابو ضروس
العمر : عشرين سنه برا
المدينة: لاس فيقاس أم الحمام
لون العيون : عسلي جبلي مغشوش
كلمة المعرس : أرغب في الزواج من فتاة ( أكيد من فتاة اجل من عنز ) تكون مثقفة ومدرسة حتى تساعدني في اجتياز ثانية متوسط ليلي ... وسأكون لها الزوج المثالي واللي ما يخلي سوق الا يوديها له بس على حسابها.

الاسم : شلفوح بن سامي
العمر : 41 سنه وثلاثة أسابيع وضحويتين
المدينة :مدينة الخضرة والجمال ( الثمامة)
لون العيون : غير واضح من الغبار
كلمة المعرس : أنا الحصان الابيض الذي تدورينه في أحلامس . لا افوتس . تراي أهبل . وان قاله الله لا اوديتس للشرقية تشوفين البحر ( اخس يالكاش )

الاسم :هاني ولد أمه
العمر : العمر كله
المدينة : الملاهي
لون العيون : فيراني
كلمة المعرس : يا ربية بس , اجنن واخذ العقل والغتره ! ! ابي وحده ما تطق كل هذا لاني حساس مره أي شي يأثر فيني حتى اخوي عبيد يقول لا تكون فيك التماس وحنا ما ندري ,

الاسم : ابو شاكوش
العمر : عدد اطناب الخيمة
المدينة : مخيم طريق القصيم
لون العيون : بدون لمعه
كلمة المعرس : اللي تبيني تراى جاهز ومستوي( طفوا عنه القز لا يحترق ) ويا حظها ويا سعدها اللي بتاخذني لان العرس بنحطه في المخيم نفاه وساعة صدر ( ضاع سوق الفيصليه)