على الهون ياجرح المفارق وضيق البال=عـلـى الـهــون يـاهــمً سـطـابـي وقـدرتــه!

لاجل من ملك قلبـي مـن الجـال ليـن الجـال=وفجـيـت لــه بــابٍ عــن الـنـاس سكـرتـه!

وحطيت له عن شمس قيظ الغـرام اظـلال=وشـيــدت لـــه بـيــتً بـقـلـبـي وعـمـرتــه!

عشـقـتـه ودلـلـتـه وجـريــت لـــه مـــوال=وتـخـيــرت قــربــه لـيـتـنــي مـاتـخـيـرتـه!

رعى ريف قلبـي ليـن صارالحشـا مدهـال=وعـــن مـدهـلـه جـنـبـت غـيــره وذيـرتــه!

سقيتـه مــن عــدود الـغـلا والـغـرام زلال=بـعـد مـاجــذب مـــن دم قـلـبـي وصـدرتــه!

اداري عليـه مـن الزعـل وازعــل الـعـذال=وخطاه ان كبر في عين غيـري تصاغرتـه!

ترافقـت انـا ويـاه مـن يــوم كـنـا اطـفـال=تـكــون غـــلاه بـوســط قـلـبــي وكـبـرتــه!

قـبــل مايـغـطـي لـيـلـه المنـتـثـر بـالـشـال=سرقـت الكـرى مـن نـون عينـه وسهـرتـه!

نقش كل حرفٍ من حروفي على السلسال=تـبـاهـى بـهــا واغـــاظ نـــاسٍ مجـاكـرتـه!

كتبت القصايـد فـي عيونـه علـى اليامـال=لـيـامـرنـي صــــوت الـنـواخــذ تـذكــرتــه!

تكـاثـر عـلـي الله يجـازيـه كـيـف الـحــال=وانـا يــوم اســوق العـمـر لــه ماتكاثـرتـه!

بـعـد كــل هالتقـديـر والـحــب والاجـــلال=تـغــيــر وهــقــواتــه عــلــيــه مـغـيــرتــه!

لبستـه ثيـاب الغطرسـه ليـن جــا يخـتـال=كـبـر فــي عيـونـه يــوم الاوهــام غـررتـه!

واذا السالفة ضحكه مهازل ولعـب اطفـال=خبطت الغصـن ليـن ابـرق الريـش طيرتـه!

خلـصـنـا وقفـلـنـا الصـنـاديـق بـالاقـفــال=ومـن جـور حكمـه كـامـل القـلـب حـررتـه!