04-02-2009, 12:25 PM
|
| |
رحلة الخميس لفرساااان
 
مساء/صباح الخير جميــــعا
كيفكم اخباركم
في يوم الخميس رحنا روحه خطافيه لجزيرة فرسان الواقعه قرب مدينة جيزان فجر الخميس
والحمد لله كانت رحله في غاية المتعه من فضل الله وفقنا بالجو الزين والغيم
طبعا الرحلات فيه رحلتين في اليوم الفجر رحله والعصر رحله ثانيه هذي بالعباره طبعا الركوب مجانا
من ابو متعب لبى قلبه وغير كذا فيه اللنشات الصغيره هذي اللي امه داعيتن عليه يروح معهم
بيقلبون كبده بالامواج
المسافه: 55 كـ
المده : بالعباره ساعه ونصف وباللنش 45 دقيقه
المهم مالكم بالطويله وصلنا جيزان الاربعاء المغرب جلسنا شوي تعشينا ثم نووووووووومه
صحينا طبعا لاحجزنا ولا شي موكلين امرنا على الله المهم صحينا الساعه 4 الفجر فجر الخميس
قبل الصلاة طبعا خذينا اغراضنا وطلعنا للمكتب نبي نحجز لنا ولسيارتنا المهم وصلنا المكتب
تقريبا الساعه 4ونص جينا حصلنا سرا طويل والله المهم وقفنا بالسرا اذن الفجر وصلينا وبعد الصلاة
مباشرة جا الموظف قال السياره اللي ماحجز لها قبل يوقفها بالمواقف ماله امل تطلع
واللي بيروح بدون السياره يجي ياخذ تذكره حاولنا فيه منا منا مافيه حيله قلنا يالله خيره
المهم قصينا التذاكر تقريبا الساعه 5ونص العباره تنطلق الساعه 7 خذينا تذاكرنا واغراضنا ورحنا
نبي العباره طبعا عند البوابه فيه باص تركب معه يوديك للنقطة التجمع قبل الصعود للعباره هذي
وهذي صوره للعباره من برا
المهم خذينا ساعه ونص وقلنا سلام يافرسااان وأول مانزلنا من العباره الا الكدادين بنتظرونا
خذينا واحد منهم اتفقنا معه بـ100 ريال فقط يلف بنا لييين ندوخ المهم طلعنا منها على طول على
مكتب الحجز نبي ناكد الرجعه على رحلة الساعه 2ونص العصر وحنا في طريقنا للمكتب لفت انتباهي
حركااات دوارات ومدينه ماكنت متوقعها كذا
والصراحه فيها نهضه عمرانيه حلوه صراحه مع العلم ان جميــــــــــــ ـع مواد البناء ماتجي
الا عن طريق البحر لانه مافيها مطار مافيها الا العباره .
وهذي احدى المباني طور الانشاء وشرايكم طور الانشاء والله متعوب عليها
المهم عاد بعد ماقصينا تذكرة الرجعه وضمناها تفضينا للتمشيه عاد
وقفنا عند هذي البقاله نتقضى
طبعا اهل الجزيره مصدر رزقهم الوحيد هو الصيد وغذائهم شبه اليومي هو السمك
والعجيب مافيه ولادائره حكوميه ماهيب عندهم
هذي صور لابرز الدوائر الحكوميه اللي عندهم
هذي المحافظه المحافظه
وهذا المستشفى
وهذي الهيئه
وهذي الابتدائيه
وهذي كتابة العدل جمبها المحكمه
يتبــــــــــــ ـــــــــــــع
توقيع : عالي مستواه
| مـواضـيـعـي
| |