الحب= سعادة

	طيب هناك من قال لوعة وقد يكون عناء وهذا حاصل لدى العاشقين

لوعتي فيك لوعه مالها من مثيل=جدد الوقت جرحي بين يومٍ وليله
آه ياحظ جدلي لو بشيٍ قليـــل=ماخبرتك كريمٍ مير مافيك حيله
حلمي اللي اشيله فوق متني ثقيل=كل ماجيت احطه عارضتني بحيله
ليتها عن هوانا تنتحيل البديل=كود حالك حبيبي يمي يطلق سبيله
من غلاك افتخر بك واعمل المستحيل=لواعاني حياتي خل يعشق خليله
ماعرفت المذله لا ولا انته ذليل=عزة النفس فينا..ياحبيبي حصيله
سالت دموع عيني وانا دمعي يسيل=حزني اللي ملكني والليالي طويله
وقتي اللي طلبته من وارثره بخيل= شح وقتي ودبر ماعطاني قليله

اعالج لوعة المغرم وتكبر لهفة المشتاق=بحسن رضاي اسوق خطاي اقدم رجلي وافهقها
اهوجس من طلوع الشمس الى ماغيبة الاشفاق=ولاادري في ظلام الليل رجلي وش يوافقها
ابصبر واتصبر مانظن الصبر ماينطاق =ليقت الصبر مر ولو ينوش الكبد يحرقها
الاياكاملين المعرفه سلك الغرام ادقاق=الى صاب القلوب الله يعافينا يخرقها
انا لي صاحبٍ خده ورى الشيله كم البراق=بعرض المزنه اللي مثل شمس الظهر بارقها
خلقها الله وزين خلقها واخلاقها الخلاق=قليلٍ جنسها في جيلها سبحان خالقها
لها عين الى لدت بها تذبح بها العشاق=بها وصقين من عين المها وطول عاتقها
الى ماشفتها ضاقت بي الدنيا وصدري ضاق=وانا لو الهوى لي كان عيني ماتفارقها
احب مشاهد الغالي عسى ماهو بحب افراق=ولوراحت معه في مغرب الدنيا ومشرقها
الى جا الليل ماشفته يزيد بقلبي الدقاق=معه روحي فسلك العنكبوت الله معلقها
الى عرّض علي اقف مثل وقفة كسير الساق=وساعات الوداع اسرع من الكدلك دقايقها
انا وياه جددنا القسم والعهد والميثااق=ولكن قدرة الله سابقه محدٍ يسابقها
تعاطينا العهد في واحدٍ من عاهده ماباق=مادام انه تخاف النفس يلزمنا نوثقها
انا اعرف ناس ماتنقاد بالدنيا ولاتنساق=ولو تعطيك عهد الله وامانه لاتصـدقها
تشوف ازوالهم مثل العرب مال الله الرزاق=متى ماهب نسناس الهوى يظهر حقايقــها

	لمشاعر الوالدة لإبنها العاق فماتحمله مزيجين حب له ولوعة المشاعر