18-01-2009, 12:38 PM
|
| |
شــــــباط ياولدي
بسم الله الرحمن الرحيم
السلام عليكم ورحمة الله وبركاته
هذي وصية المربعانية لولدها شباط :
شباط يا ولدي ...
.
.
مريت ولا ضريت
.
.
عليك باللي أكلهم دويف وشبوبهم ليف
.
.
وبالك من اللي أكلهم تمر وشبوبهم سمر
يقولون ان الاولين جابو هالمثل للدلالة على استمرار البرد وأنه لم ينتهي بعد
ونستفيد من المقوله السابقة :
الحرص على التدفئة الجيدة مثل : حطب السمر والارطاء ...الخ والبعد عن الليف وهو ما يؤخذ من النخل يشب ويطفئ بسرعة ولا يدفي
والاكل المفيد اللي مليان بالعناصر الاساسية للطاقة مثل : الحنيني اللي فيه تمر والعفيس بعد فيه تمر وقرص الجمر والمحلى فيه تمر...الخ
والبعد عن الدويف وهي اكله من ماء وطحين وملح تحمس على النار مع التحريك ولا تفيد الجسم لسرعة هضمها ويسمونها البعض الرغيد
الله يكفينا وياكم شر البرد |