22-01-2007, 04:31 AM
|
| |
بقايا طعونك
لا جيت ابنسـى واتراجـع واسامحـك
صاحن جروحي واشتكن لي طعونـك
كلك خيانه قـول .. وشلـون ابمنحـك
وش موقفك من شخص دايم يخونـك
اكبر خطا.. لو جيت يمـك اصالحـك
اول تحـوّل .. لاتغـرّك إلحـونـك
اللي تقوله صح .. لو كنـت جارحـك
( مير ) انت غارق للاسف في ظنونك
وصفك نسيته بس .. باقـي ملامحـك
بنهيـك وانهـي بالنهايـه جنـونـك
ماتستحـق امــد (كفي)واصافـحـك
مثلك غلط عمـري وابحيـا بدونـك
لعبـت دورك شـاهـدتٍ مسـارحـك
خدعتنـي واظهـرت خافـي فنونـك
كنت اعتقد قلبي هو ابـرز مطامحـك
اللي يبيـع النـاس لجلـه يصونـك
تعبت اسوق الشوق يمـك واصارحـك
اخلصت لك بالحب شوفـت عيونـك
لكن خساره صـرت غايـة مصالحـك
ياليتنـي ماجيـت لحظـه بكـونـك
بالامس كنت بنشـوة الحـب امازحـك
اخيـل برقـك واتحـرى امـزونـك
واليوم من صفحـة حياتـي ابمسحـك
هديت صرحك ثـم طاحـت ركونـك
ولابي عيوني لـو تصـورت تلمحـك
اعلنت موتك وانسجـن لـي كفونـك
وان جيت تطلـب ترتجينـي اسامحـك
بهديـك طعنـه مـن بقايـا طعونـك
منقول |