اعتكاف

قلبى ف هواك اعتكف
ويؤم دراويشك
وان يوم
تتوه قبلته
بعرفها من شيشك
آمن بكل الكتب
فى العشق
من سنوات
سبحانه من أبدعك
بين الجمال
آيات
يتلوها كل البشر
فى معابد العشاق
صفوف تطوف
معبدك
وترتل الآشواق
وانا قلبى طاف
قبلهم
بيلبى و يناجى
لابس حِرام الهوى
ومحبتك تاجى
فى عنيكى جنه
ونار
وانا ع الصرط
بينهم
طمعان أنول جنتك
وياخوفى من نارهم
يشفعلى
صبر السنين
وعذابى فى غرامى
ولا فيش لحبك شريك
يقاسمنى احلامى
كل الفروض
والسنن
فى العشق
قضيتها
وصمت عن نزوتى
وعيونى غضيتها
عن من سواك
لوسواك
يأمرنى وينهينى
أكفربه
وارضى العذاب
لويسرى فى سنينى
واقرا كتاب
عشقنا
وارتلك تعاويذ
يبقى العذاب
مغفره
والعشق يبقى لذيذ


احمدراضى