مجالس الرويضة لكل العرب - عرض مشاركة واحدة

#1 (**permalink**) 05-01-2009, 10:08 PM

بسم الله الرحمن الرحيم

السلام عليكم ورحمة الله وبركاته

هذه قصيده من قصايد سعد بن جدلان وهي عن شباب اليوم :

يا كثر الاصحاب يــوم اللعــب والدشـره ###يــوم الملاهـــي تـــدوّر مـــن يلهيهـــا

مــن اول شقتـــي بالنــاس محتشــره ###يـــوم العزوبيـــة الــي كنــت مغليهــا

واليــوم لا عـــاد لا خـــوه ولا عشــــره ###اللــه ولا رفقـــــة هــــذي تـــواليهــــا

ناس مع المصلحه عشره على عشره ###وان حـدك الوقــت حــدة لــك جنابيهـا

اللـي حياتــه مــع البيلــوت والنشــره ###واللي يحب الدشوش ولاهــيٍ فيهـا

واللي على الخط دايم فاغر الكشـره ###سمّاعتـــه طـــول ليلـــه مـــا يوطّيهـا

واللي مزاجه مـع القصــات والبشـره ###مالــه هــدف والنصايــح مــا يدانيهـا

واللي مع النـاس لا يفقــه ولا يشــره ###شقراً مـع الخيــل لا هجّــت تباريهــا

ذي عيّنه في شباب اليــوم منتشــره ###عسىالذي جابها من الارض يمحيها

اهل المصالح معرّفتهم كمـاالقشـره ###لا نظّــف الــراس بالصابــون ينهيهــا

هــذا كـــلامٍ علينـــا واجــــبٍ نشـــره ###وما تحــرق الجمـره الا رجـل واطيها

سعد بن جدلان

اتمنى ان تنال عجابكم