مجالس الرويضة لكل العرب - عرض مشاركة واحدة

#1 (**permalink**) 04-01-2009, 10:28 AM

بسم الله الرحمن الرحيم

ابغي أتكلم عن بعض الأشخاص و طريقة عاملهم مع الآخرين وبشبه كل شخص بتشبيه على حسب فهـــــمي طبعا التشبيهات ما جبتها من راسي نبدأ الحين:

_ بعض الأشخاص على قد ما تحترمه يحترمك ويزيد احترامه لك وعلى قد ما تقدره يقدرك ويرفع قدرك ، هذا

مثل النخلة كل ما اعتنيت فيها كل ما صار ثمرها طيب.

_بعض الأشخاص بالعكس تماما إذا احترمته وقدرته احتقرك وإذا ما عديت له احترام ولا قدرته زاد احترامه لك

هذا مثل السجاد الإيراني كل ما دعست عليه تزيد قيمته.

_بعض الأشخاص يحاول يخدمك بأي طريقه حتى لو كانت الخدمة لك بتضره او بتسبب له مشاكل او يمكن يعطيك حاجه هو محتاج لها .

هذا مثل الشمعة تحرق نفسها لتضئ للآخرين.

_البعض الأخر استغلالي إلى ابعد الحدود ما يبين إلا إذا كان محتاج لك أو عنده مشكله ما لها إلا أنت .

هذا مثل بس ( قطو ) القصاصيب اذا جاع رجع وإذا شبع ما تدري وين هو .

_بعض الأشخاص يبطئ عنك واذا لقاك في مصيبة وألا عرف ان لك حاجه او تبي خدمه ظهر وخلص أمورك وبعدين اختفى .

هذا مثل دهن العود كل ما عتق زاد طيبه.

_بعض الناس تلقاه قدامك أربع وعشرين ساعة لكن اذا احتجته اختفى وعجزت تلقاه واذا خلص اللا زم لقيته قدام عينك.

هذا مثل الجوال المفصول قدامك ولا تقدر تدق منه.