مجالس الرويضة لكل العرب - عرض مشاركة واحدة

#2 (**permalink**) 20-01-2007, 02:55 PM

المشاركة الأصلية كتبت بواسطة حفيد مجمش

بسم الله الرحمن الرحيم

السلام عليكم ورحمة الله وبركاته

الشاعر سعد بن جدلان من شعراء نجد ولقد ابدع بكتاباته الشعرية ومن شعره هذه الشامخة لانكم تستاهلون

ياعلاوي نجد علك مراديم السحاب ديرةٍ فيها تربيت يوم اني صغير

ياطبيب النفس شنهو علاج الاكتئاب اعطني وصفة اعلاجه ترى وضعي خطير

عشت في غربة حقايق وفي وضع اغتراب والتجارب علمتني على شي كثير

استفدت من الذيابه ومن نبح الكلاب واستفدت من الرغا واستفدت من الهدير

ولاكسبت الا معرفة عزيزين الجناب ولاخسرت الامعرفة عديمين الضمير

اقترب لا مقترب شين بعض الاقتراب ابتعد لا مابتعد شي في حقي كبير

ياسؤالٍ كل ماطرحك ملقالك جواب مالي الا الصبر واهل الصبر توعد بخير

وصف خلان الرخا مثل ضحضاح السراب يفرح العطشان شوفه يحسب انه غدير

والردي لو هو ولد عم لاتحسب له احساب كم عزيزٍ ذله الوقت بضيافة حقير

والدروس انواع تطبيق والا بأنتساب بس انا اللي طبّق الدرس قدام المدير

( مـنـقـول )

الللللله والللللللللللله واللللللله

أختياار جدا رائع أخوي

كل بيت أحلى من اللي قبله

شاكره لك

ولاتحرمنا مثل هذه الاختيااارات

ودمت