08-12-2008, 11:55 PM
|
| |
رد: مواقف العيد ~ همس الشفايف
بقولكم لكم الموقف بعدين اعلق على مواقفكم ...
كان ودي اصور لكم بس والله ماحضرت الذبح انا ...
هذا سلمكم الله يروي لي اهلي وهم: ابوي وامي واخوي فقط مصبحين وانا وخواتي نايمين
المهم الساعة 7 ونص بالضبط وبعد إصرار ابوي على ذبح الاضاحي في المنزل
ابوي واخوي بدوا الذبح وسمّوا بالله يوم ذبحوا الخروف الاول واثناء السلخ تقريباً
الساعة 8 سمعوا صوت بريك قوي وبعدها صوت خبطه اقوي والصوت جداً قريب
المهم طلع اخوي وحصل سيارة منقلبه
ولحقه ابوي دقيقتين إلا الحارة مجتمعه على السيارة والسيارة امام منزلنا بالضبط
وش صار؟
مراهقين يحاولون يفحطون وفي الاخير انقبلوا السيارة هايلوس
المهم نزلوا الي فيها وفيهم خدوش واصابات ودم وحالتهم لله ...
ابوي تفاعل معاهم خصوصاً انهم مرتاعين واخوي وعيال الحارة عندهم
ويسمون عليهم
اخوي وابوي الحلوين تركوا الباب مفتوح ويستغل الفرصه الخروف ويطلع
بس وش الغريب انها مانحاشت تجت تتفرح معاهم المهم اخوي استغرب
خروف وش جايبه ذا وبينه وبين نفسه يقول والله انهم بقر هالي مخلين خروفهم يهج
المهم اخوي يقول البوهه ماهي غريبه علي بس انه كاني لاهي مع هالحادث
المهم الجميع كان مشغول في السيارة ويبون يعدولنها لانها منقلبه
مع العلم انه غرف عقول الحارة كلها كان مسرع والله وصوت الانقلاب قوي قوي
المهم عدولها له ودفوه ومدري ايش
خلصوا والغنمه موجودة في براحه جنب بيتنا تاكل من الارض وتتمشى
بس المضحك انه لما سأله ابوي عن سبب الحادث قال علق القير؟
هنا الناس الي كانوا عنده ماتوا ضحك لانه سبب الحادث الرئيسي التفحيط
بس هو خاف انهم يتصلون بالشرطة ويقولون تفحيط
والمضحك كمان ان المفحط معاه خويه بس لما طلع من السيارة انحاش وخلاه بلحاله
هههههههههههه والله ماله خاتمه ...
المهم ابوي واخوي رجعوا البيت وسكروا الباب
اخوي على نياته بيجيب الخروف الثاني يبون يذبحونه يدور مالقاء إلا مكانه
على طول ذكر الخروف إلي مشقر عليهم يوم طلعوا للشارع
المهم وبسرعة يطلع ويحصل الخروف وعنده هنديين ومعاهم ددسن
الهندي يبي يحمله واخوي يقوله حقنا والهندي يقول لالا حقي انا
المهم اخوي قاله خلاص حقك بس انا كلم بوليس اول شرايك؟
والله ويقول الهندي طيب اخوي وصلت معه المهم شوفوا كيف حركة الهندي
الهندي السواق راكب في السيارة والثاني واقف جنب اخوي
وشوي
هإلي واقف عندي اخوي قاله انا تعبت وانا واقف بركب السيارة واذا جاء بوليس انا انزل
سكت اخوي ومارد عليه المهم يوم ركب قال الهندي لاخوي
شرايك نركب الخروف ونخليه في الصندوق علشان ماينحاش
قال اخوي الظاهر شايفني دجاجه عندك خله هنا ازين... والله سكت الهندي وركب
المهم من بعد ماركب الهندي وبعد دقيقتين من الركوب والله وينحاشون
وماتشوف إلا غبرتهم
اخوي يقول ماعلي منهم عارف انه لنا ولاهموني بس ودي ابرد وجييهم
المهم ودخله اخوي البيت وسحبه تسحيب عقب الشين رضاء يدخل
وذبحوه على خير .... بس عقب ماخلصوا ذبح يقول ابوي والله انه تعب
قلت محد حدكم اكثر مابه المسالخ
وسلامتكم يارب
.....\
وسلامتكم والمعذرة على الإطاله |